Ярим ҳимоячи Сергей Милинкович-Савич агенти Матея Кезман серб Рим клубини тарк этмоқчи эканлигини айтди.
«Сергей янги чақирувга тайёр. У «Лацио»ни ҳурмат қилган ҳолда топ-клубда ўйнашни хоҳлайди.
Ювентус? Бу ажойиб жамоа. Сергей учун Турин клубида ўйнаш шараф бўларди», - дея Кезманнинг сўзларини келтиради Николо Скира.
26 ёшли ярим ҳимоячининг «Лацио» билан амалдаги шартномаси 2024 йилгача мўлжалланган. Трансфермаркт портали футболчининг нархини 70 миллион еврога баҳоламоқда.
Жорий мавсумда Милинкович-Савич барча турнирларда 16 та ўйин ўтказиб, 3 та гол урди ва 4 та голли узатмани амалга оширди.
