“Милан” ҳимоячиси Тео Эрнандес клуб билан шартномасини узайтириш бўйича музокараларни якунламоқда, дея хабар беради инсайдер Николо Скира. Футболчи ва “россонерилар” ўртасидаги амалдаги келишув 2024 йилгача мўлжалланган.
Италияликлар футболчига 2026 йилнинг июнигача янги шартнома таклиф қилишди. “Қизил-қоралар” франциялик футболчининг маошини йилига 1,5 миллион евродан 4,5 миллион еврога кўтаради. Томонлар янги шартнома имзолашга яқин турибди.
Эрнандес “Милан”да 2019 йилдан бери ўйнаб келмоқда. Жорий мавсумда 24 ёшли ҳимоячи барча турнирларда 12 та ўйин ўтказиб, 1 та гол ва 3 та голли узатмага муаллифлик қилган.
