«Ливерпуль» ва Англия терма жамоасининг собиқ ҳужумчиси Майкл Оуэн «Бавария» ҳужумчиси Роберт Левандовски бу йил «Олтин тўп»ни қўлга киритишга лойиқ деган фикрни билдирди.
«Мен Робертни танлаган бўлардим. Бошқа номзодлар ҳам бор, нотўғри тушунманг. Салоҳ ҳеч нарса юта олмаган бўлсада ажойиб мавсум ўтказди. Жоржиньо эса «Челси» учун барчасини ютди. Лекин менимча, у Левандовски каби ўйинчилардан олдин бу совринни қўлга киритиш учун етарли даражада салоҳиятли эмас. Унинг рақамлари ҳайратланарли. Агар у ушбу совринни қўлга киритмасдан фаолиятини давом эттирса, бу катта хато бўларди. У ажойиб ҳужумчи», - дейди Оуэн.
Маълумот учун, 33 ёшли Левандовски ўтган мавсумда 40 та ўйинда майдонга тушиб, 48 та гол урган.
