«Liverpul» va Angliya terma jamoasining sobiq hujumchisi Maykl Ouen «Bavariya» hujumchisi Robert Levandovski bu yil «Oltin to‘p»ni qo‘lga kiritishga loyiq degan fikrni bildirdi.
«Men Robertni tanlagan bo‘lardim. Boshqa nomzodlar ham bor, noto‘g‘ri tushunmang. Saloh hech narsa yuta olmagan bo‘lsada ajoyib mavsum o‘tkazdi. Jorjinyo esa «Chelsi» uchun barchasini yutdi. Lekin menimcha, u Levandovski kabi o‘yinchilardan oldin bu sovrinni qo‘lga kiritish uchun yetarli darajada salohiyatli emas. Uning raqamlari hayratlanarli. Agar u ushbu sovrinni qo‘lga kiritmasdan faoliyatini davom ettirsa, bu katta xato bo‘lardi. U ajoyib hujumchi», - deydi Ouen.
Ma’lumot uchun, 33 yoshli Levandovski o‘tgan mavsumda 40 ta o‘yinda maydonga tushib, 48 ta gol urgan.
