Суперлиганинг 25-туридан ўрин олган “Бунёдкор” – “Сурхон” (3:1) учрашувидан сўнг мезбонлар бош мураббийи Шуҳрат Мақсудов ўз фикрлари билан ўртоқлашди.

- Бунёдкор” мухлисларини, ишчиларини ва айниқса, футболчиларини ғалаба билан чин кўнгилдан табриклайман. Йигитларга ташаккур айтаман! “Сурхон”га кейинги ўйинларда омад тилайман!

Бош мураббий сифатида дастлабки мавсумни ўтказдим. Ўзимга, ёрдамчиларим ва футболчиларимга ишонардим. Улар ҳар бир ўйинда кучли эканликларини исботлашди. Ҳеч ким меҳнат қилишдан тўхтамади ва мана ижобий натижалар кела бошлади. Ҳомийларга, хусусан клубимиз президенти Меҳриддин Абдуллаевга ўзим ва футболчилар номидан миннатдорлик билдирмоқчиман.

Суперлигада жамоалар сонини кўпайтириш? Бу нарсани масъуллар ўйлагани яхши. Менинг вазифам – футболчиларни ўйинга тайёрлаш. Бу нарса менинг ваколатимга кирмайди. Албатта, ўйинлар сони кўп бўлгани яхши, фақат жамоалар бунга лойиқ бўлиши керак. 3-4 турдан кейин сафар ўйинларига пул тополмаса, чемпионатга зиён келтиради. Шу боис бу масалани чуқурроқ ўйлаш лозим.