Клаудио Раньери «Манчестер Юнайтед» устидан қозонилган ғалабадан сўнг журналистлар билан суҳбатлашди. Мураббийнинг фикрича, ғалабадан кўра фалсафа билан ўйнаш муҳимроқ.
«Бу ажойиб спектакль бўлди. Биринчи бўлимда биз мукаммал ўйнадик. Иккинчи бўлимда яхши имкониятларни қўлдан бой бердик. Шу билан бирга, уларда ажойиб жамоа борлигини биламиз, аммо якунда қўрқмадик.
Мен футболчиларга мағлубият, дуранг ёки ғалаба унчалик муҳим эмаслигини айтдим. Ўйинчилардан тўғри фалсафани кўриш муҳимроқ. Натижа ҳам муҳим, албатта. Энди бизда 15 очко бор. Яхши бошланиш нуқтаси.
Мен имкон қадар тезроқ 40 очко олишни истайман», - деди Раньери.
