Испания чемпионатининг 14-туридан ўрин олган учрашувда "Барселона" ўз майдонида "Эспаньол"ни қабул қилиб 1:0 ҳисобида ғалаба қозонди.
Қуйида учрашувга оид қизиқарли фактларни эътиборингизга ҳавола қиламиз.
▪️Хави учрашувда 17 ёшли Илиас Аҳомашни асосий таркибда туширди. Бу иккиси учун ҳам дебют ўйин эди;
▪️“Кўк-анорранглилар” Ла Лигадаги 6та ўйиндан бери илк бор гол ўтказмади. Бундан аввалги 6 ўйинда 10 тўп ўтказиб юборилганди;
▪️“Барса” 1-бўлимда рақиб дарвозаси томон 11та зарба берди. Бу каталонларнинг жорий мавсумдаги энг яхши натижаси;
▪️Хавининг “Барса”даги дебюти “Эспаньол”га қарши ўйинга тўғри келди. Йохан Кройф ҳам жамоа дебютини Каталония дербисидан бошлаганди;
▪️Мемфис Депай Хави қўл остидаги “Барселона”нинг илк голига муаллиф бўлди. У терма жамоа ва клуб миқёсидаги охирги 6та ўйинда 6та гол урди;
▪️“Барселона” кетма-кет 14-марта “Камп Ноу”да “Эспаньол”ни мағлуб этди.
