Ispaniya chempionatining 14-turidan o‘rin olgan uchrashuvda "Barselona" o‘z maydonida "Espanyol"ni qabul qilib 1:0 hisobida g‘alaba qozondi.

Quyida uchrashuvga oid qiziqarli faktlarni e’tiboringizga havola qilamiz.

▪️Xavi uchrashuvda 17 yoshli Ilias Ahomashni asosiy tarkibda tushirdi. Bu ikkisi uchun ham debyut o‘yin edi;

▪️“Ko‘k-anorranglilar” La Ligadagi 6ta o‘yindan beri ilk bor gol o‘tkazmadi. Bundan avvalgi 6 o‘yinda 10 to‘p o‘tkazib yuborilgandi;

▪️“Barsa” 1-bo‘limda raqib darvozasi tomon 11ta zarba berdi. Bu katalonlarning joriy mavsumdagi eng yaxshi natijasi;

▪️Xavining “Barsa”dagi debyuti “Espanyol”ga qarshi o‘yinga to‘g‘ri keldi. Yoxan Kroyf ham jamoa debyutini Kataloniya derbisidan boshlagandi;

▪️Memfis Depay Xavi qo‘l ostidagi “Barselona”ning ilk goliga muallif bo‘ldi. U terma jamoa va klub miqyosidagi oxirgi 6ta o‘yinda 6ta gol urdi;

▪️“Barselona” ketma-ket 14-marta “Kamp Nou”da “Espanyol”ni mag‘lub etdi.