Туриннинг "Ювентус" жамоаси ҳимоячиси Маттейс Де Лигт фаолиятини Англияда давом эттириши мумкин. Бу ҳақда Британиянинг "Daily Mail" нашри хабар бермоқда.
Маълумотларга кўра, "Тоттенхэм" янги бош мураббийи Антонио Конте ва жамоа спорт директори Фабио Паратичи ҳимоя чизиғини кучайтира оладиган футболчилар орасидан нидерландияликка асосий эътиборини қаратишмоқда.
Футболчининг "кекса синьора" сафида олаётган маоши жуда юқорилиги сабаб улар ҳам Де Лигтнинг кетишига қарши эмас. Аммо футболчини қўлга киритишни истаган клуб туринликлар ҳисоб рақамига 90 миллион еврони ўтказиб бериши керак.
Жорий мавсум 22 ёшли Маттейс "бьянконери" сафида А Сериянинг 9 ўйинида майдонга тушиб, 1 гол киритди.
