“Наполи” жамоаси бош мураббийи Лучано Спалетти “Спартак”га қарши Европа лигаси гуруҳ босқичи 5-тур учрашувида ҳужумчи Виктор Осимхеннинг иштироки сўроқ остида эканлигини айтди.
"Интер"га қарши Италия чемпионатининг 13-тур учрашувида (2:3) ҳимоячи Милан Шкриньяр билан тўқнашувдан сўнг ҳужумчи юзидан жароҳат олди, футболчининг ёноқ суяги синган деб гумон қилинмоқда.
“Викторнинг кўзи шишиб кетган, яхши кўрмаяпти, у эртага қўшимча текширувдан ўтиши керак. Унинг кўзлари кўпинча шишган ҳолатда юради, шунинг учун умид қиламанки, бу жароҳат шунчаки кўкариш билан боғлиқ", – деди Спаллетти "Football Italia" нашрига.
2021/22 йилги мавсумда Осимхен “Наполи” сафида 14та ўйин ўтказиб, 9та гол уриб, 2та голли узатмани амалга оширган.
