“Napoli” jamoasi bosh murabbiyi Luchano Spaletti “Spartak”ga qarshi Yevropa ligasi guruh bosqichi 5-tur uchrashuvida hujumchi Viktor Osimxenning ishtiroki so‘roq ostida ekanligini aytdi.
"Inter"ga qarshi Italiya chempionatining 13-tur uchrashuvida (2:3) himoyachi Milan Shkrinyar bilan to‘qnashuvdan so‘ng hujumchi yuzidan jarohat oldi, futbolchining yonoq suyagi singan deb gumon qilinmoqda.
“Viktorning ko‘zi shishib ketgan, yaxshi ko‘rmayapti, u ertaga qo‘shimcha tekshiruvdan o‘tishi kerak. Uning ko‘zlari ko‘pincha shishgan holatda yuradi, shuning uchun umid qilamanki, bu jarohat shunchaki ko‘karish bilan bog‘liq", – dedi Spalletti "Football Italia" nashriga.
2021/22 yilgi mavsumda Osimxen “Napoli” safida 14ta o‘yin o‘tkazib, 9ta gol urib, 2ta golli uzatmani amalga oshirgan.
