Тошкент вилоятидаги Аҳмад Яссавий стадионида «Локомотив» жамоаси аъзолари «Олмалиқ» клубига қарши назорат-синов учрашувида майдонга тушишди. Учрашувда "Локомотив" футболчилари ғалаба қозонишди. Бу ҳақда "Локо" расмий сайти хабар тарқатмоқда.

Мазкур баҳсда Хорен Оганесян ҳам, Игорь Шквирин ҳам ўз ихтиёрларидаги барча футболчилар хизматидан фойдалана олишмади. Боиси, ҳар иккала жамоадан бир қатор иқтидорли футболчилар янги ташкил этилган ёшлар (U-22) терма жамоасига жалб этилишганди.

Учрашувга тўхталадиган бўлсак, бутун ўйин давомида темирйўлчилар ташаббусга эришди. Аммо, дастлабки тўп Павел Бугало қўриқлаётган дарвоза тўридан жой олди. Зафар Холмуродовни ҳимоячилар бир муддат эътиборсиз қолдиришди ва у ҳисобни очди. Бироқ, танаффусга қадар тиниб-тинчимас Садриддин Абдуллаевнинг саъй-ҳаракатлари эвазига ҳисобни тенглаштирган «Локомотив» иккинчи бўлимда ғалабани юлиб олди. Жамоамизнинг янги аъзоси Александр Шадриннинг дубли «Локо»га ғалаба келтирди. Энди темирйўлчилар навбатдаги ўртоқлик учрашувини 9 март куни олимпия терма жамоамизга қарши ўтказишади.

«ОЛАМАЛИҚ» – «ЛОКОМОТИВ» - 1:3 (1:1).
Голлар: Зафар Холмуродов (30) – Садриддин Абдуллаев (39), Александр Шадрин (53, 55).

«Олмалиқ»: П.Харчик, Б.Юлдошев, С.Ҳамроев, Е.Гоголь, Ш.Мусаев (О.Мамажонов 46), И.Эргашев, Д.Абдураҳмонов (А.Жўраев 71), А.Никитенко, С.Шоаҳмедов, М.Муродов (С.Бердиев 71), З.Холмуродов.
«Локомотив»: П.Бугало (А.Парванов 46), Ш.Шарипов, И.Тўхтахўжаев (Д.Жабборов 46), Р.Хачатрян, И.Иномов (Т.Айзаттулов 72), М.Казанков (И.Раҳимов 63), Д.Рахматуллаев (Б.Ашурматов, 46), Ж.Оганесян, З.Тожиев (А.Шоғуломов 66), А.Шадрин.
Ҳакам: М.Исмоилов