“Реал” раҳбарияти жамоанинг яримҳимоя чизиғини кучайтириш бўйича ишлар олиб бормоқда. “Todofichajes” нашри хабарига кўра, "Лацио"нинг сербиялик яримҳимоячиси Сергей Милинкович-Савич “қироллик клуби” қизиқишлари доирасига тушган.
“Қаймоқранглилар” трансфери сўроқ остида бўлган Поль Погбага муқобил сифатида Сергей номзодини кўриб чиқмоқда. Франциялик футболчи ҳали “Манчестер Юнайтед”даги келажаги борасида якуний қарорга келгани йўқ.
Трансфермаркт портали 26 ёшли сербнинг нархи 70 миллион еврога баҳолаган. Яримҳимоячининг итальян клуби билан шартномаси 2024 йилнинг ўрталарига қадар тузилган.
