Саудия Арабистони Про-лигасида 21-турнинг айрим учрувлари якунланди. Биз учун муҳими, терма жамоамиз сардори тўп сураётган «Аш-Шабоб» клубининг меҳмонда ғалаба қозонгани бўлди.

Гарчи учрашувда риёзликлар ғалаба қозонишган бўлса-да, асосий таркибдан майдонга тушган Жепаров жароҳат олганлиги туфайли 14-дақиқада Мухтор Фаллатага алмаштирилди.

«Ан-Наср» ҳужумчиси Муҳаммад ас-Саҳлавий биринчи бўлим якунланаётган бир пайтда ҳисобни очган бўлса-да, иккинчи бўлимда Жепаровнинг жамоадоши Носир аш-Шамроний катта саҳнага чиқди. У аввал 59-дақиқада ҳисобни тенглаштирди, орадан 15 дақиқа ўтгач пенальтидан яна бир гол киритиб, «Аш-Шабоб»га ғалаба келтирувчи ҳисобни ҳосил қилди.

Кетма-кет 6-ғалабасига эришаётган «Аш-Шабоб» 21-ўйиндан сўнг турнир жадвалида 53 очко билан крвонбошилик қилмоқда. Ундан бир ўйин кам ўтказган «Ал-Аҳлий» ҳисобида 49 очко бор. Учинчи ўринда эса 20 ўйиндан сўнг 46 очко жамғарган «Қироллик клуби» — «Ал-Ҳилол».

ZAIN САУДИЯ ПРО-ЛИГАСИ. 21-ТУР.

АЛ-АНСОР – АЛ-ФАЙСАЛИЙ 2:1 (2:0)
Голлар: Ноиф ал-Балавий (18, 24) – Бенко (57)

НАЖРОН – АТ-ТАЪУН 1:1 (0:0)
Голлар: Буракба (83-пен.) – Муҳаммад Аммон (63)

АЛ-ФОТИҲ – ҲАЖАР 1:0 (0:0)
Гол: Муҳаммад аш-Шаҳроний (90-пен.)

АН-НАСР – АШ-ШАБОБ 1:2 (1:0)
Голлар: Муҳаммад ас-Саҳлавий (44) – Носир аш-Шамроний (59, 75)