"Атлетико" клуби устози Диего Симеоне "Милан"га мағлубиятда ўз футболчиларини ҳимоя қилди. У шундай деди:
"Мен ўйинимизни ёмон дея олмайман. Бу фикрга қўшилмайман. Жамоадан ҳеч нарсани таъна ҳам қилмоқчи эмасман. Футболчиларим яхши ҳаракат қилишди. Ҳар икки жамоа ҳам биринчи бўлимда ҳужум уюштиришга уринди. Биз ҳимояда яхши ўйнадик, ҳужум эса кўнгилдагидек эмасди. "Милан"да биздан фарқли равишда ҳужумлари яхшироқ чиқди. Бизда ҳисобни тенглаштириш учун ажойиб имконият бўлган эди. Ҳа, мағлуб бўлдик. Аммо мен оптимистик қарашда қоламан. Бизда кейинги босқичга чиқиш учун яхши имконият мавжуд. Ўйлайманки, гуруҳда ким бунга муносиб бўлса, ўша курашни давом эттиради. Биз сўнгги сонияларгача курашдан тўхтамаймиз".
ЕЧЛнинг кейинги учрашуви "матрасчилар" учун сафарда, "Порту"га қарши кечади.