Европа Чемпионлар лигасида гуруҳ босқичи 5-туридан ўрин олган "Шериф" – "Реал Мадрид" учрашувига (0:3) оид қизиқарли статистика ва фактлар билан танишинг.
Мадридликлар қаторасига 17-марта ЕЧЛ 1/8 финалига чиқди. Бу мусобақа рекорди ҳисобланади;
Давид Алаба “Реал” сафида ЕЧЛда жаримадан гол урган 2004 йилдан кейинги илк ҳимоячи бўлди. 17 йил аввал Роберто Карлос бу кўрсаткични қайд этганди. Умуман олганда, “Реал” вакиллари 2018 йилнинг сентябридан бери (Иско) биринчи марта жаримани голга айлантирди;
Тони Кроос ЕЧЛда 19 ўйин деганда илк бор гол урди. У охирги марта 2019 йил “Галатасарой”га гол урганди;
Карим Бензема жорий мавсум “Реал” сафидаги 17 ўйинда 15 гол ва 8 та ассист ижро этди.
