ЖЧ-2014 Осиё минтақаси 4-босқичи учун қуръа ташлаш маросими бошланишига 1 соат вақт қолди. Мамлакатимизнинг спортга оид ОАВ ва мухлислар ушбу тадбирни интизорлик билан кутишмоқда. Биз ҳам сайтимиз орқали мазкур маросимни онлайн трансляция қилишни режалаштирганмиз.
Шунингдек, ОФКнинг расмий сайти ҳисобланган www.the-afc.com сайти ҳам ушбу қуръани видеотрансляция қилади.
“Спорт” канали ҳам мазкур жараённи тўғридан-тўғри эфирга узатишни режалаштирмоқда.
Стадион.уз орқали қуръа натижаларидан бохабар бўлишни истаган мухлислар ушбу хабарнинг тагида натижаларни билиб боришлари мумкин. Ушбу саҳифа янгиланиб туради.
Саватчалар таркиби:
Биринчи саватча:
1. Австралия
2. Жанубий Корея
Иккинчи саватча
3. Япония
4. Эрон
Учинчи саватча:
5. Ўзбекистон
6. Ироқ
Тўртинчи саватча:
7. Иордания
8. Қатар
Бешинчи саватча
9. Уммон
10. Ливан
Қуръа жараёни 2-саватчадан бошланар экан. 2-саватчада эса Эрон ва Япония терма жамоалари ўрин эгаллаганини яхши биласиз. Хабарингиз бор, Япония эса 2013 йил 15 июнь куни бошланадиган Конфедерациялар кубогида иштирок этади. Яъни, Япония гуруҳнинг 5-поғонасига тушиши керак. Шунда у саралашнинг 2013 йил июнь ойида бўлиб ўтадиган энг сўнгги турида майдонга тушмайди ва тўғри Бразилияда бўлиб ўтадиган Конфедерациялар кубогига йўл олади.
Шундан кейин 5, 4 ва 3-саватча жамоалари қуръага тортилишади. Якунда эса 1-саватча жамоалари ўз рақибларини билиб олишади. Демак, Ўзбекистон ўрин олган 3-саватча тўртинчи бўлиб қуръага тортилади.
Демак, 2-саватчадагилар орасидан аввал Япония чиқса, у А5га жойлаштирилади (бу ҳолда Эрон B2га бориб тушади). Япония номи иккинчи бўлиб шарчадан чиқса, у ҳолда "кунчиқар юрт" вакиллари В5га жойлашади (Эрон A2 бўлади).
Шундан сўнг, навбат 5-саватча вакилларига берилади. Бу саватча терма жамоалар "А" ва "В" гуруҳларининг қуйи поғоналарига жойлаштирилади. Кейин эса 4 ва 3-саватча вакиллари қуръа тортилади ва гуруҳларни пастдан бошлаб тўлдириб келишади. Энг сўнгида 1-саватча жамоалари (Австралия ва Ж.Корея) қуръа натижасида А1 ва В1 ўринларни эгаллашади.
Хуллас, биз Япония билан бир гуруҳга тушадиган бўлсак, гуруҳда 2-тартибли рақамли жамоага айланамиз. Эрон билан тушадиган бўлсак, гуруҳнинг 3-жамоасига айланамиз. Шу пайтгача ОАВ эълон қилиб келинган лойиҳавий тақвимлар Ўзбекистон гуруҳнинг 3-жамоаси сифатида тузилганди. Агар 2-жамоа бўладиган бўлсак, тақвим бутунлай бошқача бўлиб кетади.
Япония ўз гуруҳининг 5-жамоаси билан шундоққина алмаштирилмайди, балки ўз гуруҳида барча жамоаларнинг (1-саватча гуруҳидан ташқари) битта-батта юқорига кўтирилишига сабаб бўларкан.
Қуръа ташлаш маросими бошланишига 3 дақиқа қолди.
ДИҚҚАТ! Қуръа ташлаш маросими бошланмоқда!
Саралашнинг 4-босқичи етиб келган 10та терма жамоалар тўғрисидаги видеороликлар намойиш қилинмоқда.
Ўзбекистон терма жамоасининг Япония (Тошкентда)га қарши ўйинидан видеолавҳалар (голлар) кўрсатилди.
ФИФА вакили қуръа механизмини тушунтирмоқда.
Қуръа жараёнида иштирок этиш учун 2 нафар Осиё футболи юлдузлари — Меҳди Меҳдавакия (Эрон) ва япониялик собиқ футболчи саҳнага таклиф этилди.
