Янги чемпионатга пойтхатимизда ҳозирлик кўраётган Ғузорнинг “Шўртан” Алексей Естафеев бошчилигидаги терма жамоамиз (U-22) билан ўзаро ўртоқлик учрашувини ўтказди.

Голларга бой бўлган учрашувда Игорь Криушенко бошчилигидаги “оқ бўрилар” йирик ҳисобда ғалаба қозонишди.

Игорь Криушенко қуйидаги футболчиларни синаб кўрди:

“Шўртан”: М.Наумов, А.Алиқулов, Ҳ.Каримов, Л.Убайдуллаев, В.Пономарёв, Б.Қодирқулов, А.Мерзляков, А.Соро, В.Афонин, М.Мамазулумов, И.Таран.
Захирадан майдонга тушганлар: А.Корнейчук, Я.Крушелницкий, П.Агбо, Ғ.Раҳмонов, Л.Убайдуллаев, Ж.Аҳмедов, В.Клишин, А.Амонов, В.Рушницкий,

Катта устунликка эга бўлган “Шўртан” футболчилари Алексей Естафеев шогирдларини 4:1 ҳисобида мағлуб этишди. Киритилган биринчи голга Игорь Таран муаллифлик қилган бўлса, иккинчи голни киритиш ҳам Таранга насиб этди. Виктор Мочалов дарвозасига белгиланган пенальтини аниқ амалга оширган Мўйдин Мамазулумов жамоасининг учинчи голини киритди. “Шўртан”нинг сўнгги голини эса захирадан майдонга тушган Аббос Амонов киритди.

Шу тариқа, пойтахтда якунига етган йиғин давомида ўтказилган сўнгги учрашувини ҳам ғалаба билан якунлади. Эртага “Шўртан” Ғузорга қайтиб кетади ва 17 март куни бўлиб ўтадиган “Шўртан” - “Локомотив” учрашувига жиддий тайёргарлик кўради.