"Челси" устози Томас Тухель жамоа ҳолати ҳақида фикр билдирди. У бу ҳақда шундай дейди:
"Биз жамоа қарашларини, машғулот ҳамда ўйин услубимизни бироз ўзгартирдик. Бунда биз ҳар нарсага жаҳл қилиш, кескин муносабат билдириш ёки кимнидир айблаш йўлини олиб ташладик. Мураббийлар штабида бу муҳитни энг аввало қарор топдирдик. Мен ва ёрдамчиларим ҳар қандай вазиятга адолатли бўлиш, танқидий кўз билан қараш ва айни пайтда, қўллаб-қувватлашни йўлга қўйдик. Бу бизнинг ғояларимиз ва бу бизга мос келади".
Эслатиб ўтамиз, "Челси" "Сити"га қарши мағлубиятдан кейин, сўнгги ўнта баҳсда ғалаба ва дуранглар билан одимламоқда.