"Вест Хэм" футболчиси Андрий Ярмоленко жамоани тарк этиши мумкин. Хабарларга кўра, украиналик футболчига "Трабзонспор" клуби қизиқиш билан қарамоқда.
32 ёшли ҳужумчи Лондонда сўнгги йилини ўтказмоқда. У бу мавсумда 8 марта майдонда ҳаракат қилган. Ярмоленко учун, шунингдек, "Динамо Киев" ҳамда Италиянинг "Женоа" жамоалари даъво қилиши айтилган.
Айниқса, "Женоа" устози Шевченко ўзининг собиқ шогирдини жамоасига жалб этишга яқин. Улар ўтмишда Украина терма жамоасида ҳам бирга ишлаган. Шунга қарамай, Ярмоленконинг агенти юқоридаги барча хабарни рад этган.