Бугун Осиё Паралимпия қўмитасининг Бош ассамблеяси ўз ишини бошлади. Онлайн форматда ўтказилаётган мазкур жараён эртага ўз якунига етади. Ассамблеяда қитъамизнинг 45 Мамлакатидан Паралимпия қўмиталари раҳбарлари иштирок этишмоқда.
Қувонарлиси, Ассамблеянинг бугунги иш кунида Ўзбекистон Миллий Паралимпия қўмитаси раиси Мухторхон Ташходжаев делегация аъзолари томонидан бир овоздан Осиё Паралимпия қўмитаси вице-президенти лавозимига сайланди. Шу тариқа, Ўзбекистон вакили илк маротаба Осиё Паралимпия қўмитаси вице-президенти лавозимини эгалламоқда.