Bugun Osiyo Paralimpiya qo‘mitasining Bosh assambleyasi o‘z ishini boshladi. Onlayn formatda o‘tkazilayotgan mazkur jarayon ertaga o‘z yakuniga yetadi. Assambleyada qit’amizning 45 Mamlakatidan Paralimpiya qo‘mitalari rahbarlari ishtirok etishmoqda.
Quvonarlisi, Assambleyaning bugungi ish kunida O‘zbekiston Milliy Paralimpiya qo‘mitasi raisi Muxtorxon Tashxodjayev delegasiya a’zolari tomonidan bir ovozdan Osiyo Paralimpiya qo‘mitasi vise-prezidenti lavozimiga saylandi. Shu tariqa, O‘zbekiston vakili ilk marotaba Osiyo Paralimpiya qo‘mitasi vise-prezidenti lavozimini egallamoqda.