"Барселона" бош мураббийи Хосеп Гвардиоланинг айтишича, "Реал" ҳаққоний равишда Испания чемпионатининг карвонбошиси бўлиб келмоқда.
"Биз турнир жадвалида "Реал"дан ортда боряпмиз, негаки, шунга лойиқ ўйин кўрсатдик. Жамоамиз примерода "Реал" кўрсатган ўйинлар даражасида ўйнай олмади. Менимча Испания футьол федерацияси президенти ўзини порахўрликда айблаётганларга муносиб жавоб қайтариши керак.
Моуриньо иккимизнинг ўхшаш томонимиз бор, бу - ғалабаларга бўлган иштиёқимиздир. Мен у билан ҳеч қачон тортишувга бормаган бўлар эдим. Бу шунчаки гап-сўзлар, натижа эса муҳимроқ. Мен учун энг асосийси матбуот жамоага ортқча босим ўтказмаслигидир.
Айтиб ўтганимдай, мен ва Жозе ғалабаларга ўчмиз. Шу томондан яшаш учун курашаётган жониворларга ҳам ўхшаб кетамиз. Гоҳида мен ўзимни у каби тутаман, лекин, ҳулқимни назорат қилишга уринаман. Бизнинг йўлларимиз бошқа, аммо бир мақсадга йўналтирилган", — дея унинг сўзларидан иқтибос келтиради AS нашри.
