Собиқ "Ливерпуль" футболчиси Грем Сунесс "МЮ"га Ралф Рангникни келиши ҳақида фикр билдирди. У бу жараённи танқид остига олган илк инсонлардан бири бўлди:
"Бу Фергюсондан кейин "МЮ"га келаётган учинчи вақтинчалик мураббий. Мен буни тушуна олмаяпман. Рангникнинг иш фаолияти ҳайратланарли даражада эмас. У ўтмишда муваффақиятли мураббий бўлмаган ҳам. Менимча, у бир марта соврин ютган, холос. Унинг таланти бор, бу тўғри. Унинг иш услуби бошқача. У футбол клубини структуравий жиҳатдан ривожлантиради. Бунга эса 5 йилдан 10 йилгача вақт керак. Бундай иш "МЮ" учун ярамайди. Жамоа тезкорлик билан ўнгланишга муҳтож бўлиб турибди. Ўйлашимча, бу жамоага тезда ижобий таъсир кўрсата оладиган бошқа бир мутахассис керак эди".
