Sobiq "Liverpul" futbolchisi Grem Suness "MYU"ga Ralf Rangnikni kelishi haqida fikr bildirdi. U bu jarayonni tanqid ostiga olgan ilk insonlardan biri bo‘ldi:
"Bu Fergyusondan keyin "MYU"ga kelayotgan uchinchi vaqtinchalik murabbiy. Men buni tushuna olmayapman. Rangnikning ish faoliyati hayratlanarli darajada emas. U o‘tmishda muvaffaqiyatli murabbiy bo‘lmagan ham. Menimcha, u bir marta sovrin yutgan, xolos. Uning talanti bor, bu to‘g‘ri. Uning ish uslubi boshqacha. U futbol klubini strukturaviy jihatdan rivojlantiradi. Bunga esa 5 yildan 10 yilgacha vaqt kerak. Bunday ish "MYU" uchun yaramaydi. Jamoa tezkorlik bilan o‘nglanishga muhtoj bo‘lib turibdi. O‘ylashimcha, bu jamoaga tezda ijobiy ta’sir ko‘rsata oladigan boshqa bir mutaxassis kerak edi".
