"Вест Хэм" клуби афсонаси Тони Коттии жамоа футболчиси Деклан Райс ҳақида гапирди. Унинг фикридан "Metro" нашри шундай иқтибос келтиради:
"Агар Деклан жамоадан кетишни истаса, у "Челси"га ўтади. Бу менинг шахсий фикрим. Бунга сабаб эса у "Челси" академиясидан чиққанидир. У Мейсон Моунт билан яхши дўст. Сиз Абрахамни биласиз. У ҳозир Италияда. Аммо у Хадсон-Одои ҳамда Рис Жеймслар билан бирга ўсган. Уларнинг барчаси болалигида бирга "Челси"да ҳаракат қилар эди. Мен Райсни жамоадан кетишини истамайман. Аммо кетгудек бўлса, ҳамма уни "Челси"га ўтишини истайди. Мен "Ливерпуль"ни ёки бошқа бир катта жамоа номини айтамдим. Чунки мен уни "Челси"ни яхши кўришини биламан".
Эслатиб ўтамиз, ҳозирда Деклан Райс клуби АПЛ жадвалида 4 ўринни банд этган. Улар сўнгги ўйинда "Брайтон" билан дурангга имзо чеккан эди.
