“Ливерпуль” етакчиси Муҳаммад Салоҳ британиялик журналистлар билан суҳбатда бўлди. Суҳбат давомида мисрлик ҳужумчидан бу йилги “Олтин тўп”нинг натижалари ҳақида сўрашди. 

“Олтин тўп”? Бу масала бўйича ҳеч қандай изоҳ йўқ”, - дея фикр билдиради африкалик форвард.

Эслатиб ўтамиз, овоз бериш натижаларига кўра, 29 ёшли ҳужумчи еттинчи ўринни эгаллади. Нуфузли совринни Лионель Месси қўлга киритди.

Англия чемпионатининг жорий мавсумида Салоҳ 14 та ўйинда майдонга тушиб, 13 та гол ва 8 та голли узатмага муаллифлик қилган.