“Милан”нинг 40 ёшли ҳужумчиси Златан Ибрагимович келажакдаги режалари билан ўртоқлашди. Фахрий футболчи “россонерилар” лагерида қолишга тайёр. 

“Мураббийимиз Стефано Пиоли учун жуда хурсандман. У янги шартнома имзолади. Агар Пиоли шартномани янгилаган бўлса, мен ҳам уни узайтираман”, - деди Ибрагимович.

Эслатиб ўтамиз, “Милан” 26 ноябрь куни Стефано Пиоли билан ҳамкорликни узайтиришини эълон қилганди. Мутахассиснинг янги шартномаси 2023 йилнинг ўрталарига қадар яна бир мавсумга узайтириш имконияти билан тузилган.