"Челси" келаси турда "Вест Хэм"га қарши баҳс олдидан муҳим футболчисидан айрилди. Жамоа ҳимоячиси Трево Чалоба кеча "Уотфорд"га қарши баҳсда жароҳат олган эди. Бу ҳақда Тухель маълумот берди:
"Кейинги учрашув шанба куни бўлиб ўтади. Мени қийнаётган нарса эса Трево(Чалоба)нинг жароҳати. Биз бугунги ўйинда жуда ҳам жиддий қўполликларга дуч келдик. Шифокорлар 20 марта майдонга тушишига тўғри келди. Тревонинг жароҳатланиши биз учун катта йўқотиш бўлди. Бизда шундоқ ҳам бир нечта асосий таркиб футболчилари жароҳат олган. Буниси эса ошиб тушди. Кейинги баҳс шанба куни тушда бўлиб ўтади. Унгача футболчимиз қайтишга улгурмаслиги мумкин".
