"Вест Хэм" клуби қишда "Бёрнли" футболчиси Жеймс Тарковскини сотиб олиш борасида иш олиб бормоқда. Бу ҳақида жамоа бош мураббийи Девид Мойес маълум қилди.
У бу ҳақида шундай дейди: "Сиз жамоа учун тўғри келадиган футболчиларни харид қилишни билишингиз лозим. Албатта, биз ўз жамоамизни кучайтириб олишни хоҳлаймиз. Биз ўтмишда кўплаб футболчилар харид қилганмиз. Аммо ҳаммаси ҳам фойдали бўлиб чиқмаган. Биз қишда ҳимояга эътибор беришни мақсад қилганмиз. Жамоада бу борада муаммо борлгини биламан".
Тарковски марказий ҳимоячи ҳисобланади. У "Бёрнли"да асосий таркиб футболчисидир.
Эслатиб ўтамиз, "Вест Хэм" АПЛда сўнгги иккита учрашувида мағлуб бўлди. Шунга қарамай, жамоа тўртинчи ўринни банд этиб турибди.
