Ҳужумкор ярим ҳимоячи Хуан Мата қишки трансфер ойнасида «Манчестер Юнайтед»ни тарк этишга яқин турибди. 33 ёшли вингернинг «қизил иблислар» билан амалдаги шартномаси тугаяпти, шу боис у фаолиятини давом эттиришнинг турли вариантларини кўриб чиқмоқда.
Тодофичажес нашри хабар беришича, Мата Туманли Албионда қолиши мумкин. Унга АПЛ аутсайдери «Нюкасль» қизиқиш билдирмоқда. Хуаннинг ўз ватанига қайтиш имконияти ҳам мавжуд. «Реал Сосьедад» ярим ҳимоячини ўз сафига таклиф қилмоқчи. Унга «Фенербахче» қизиқиш билдираётгани испанияликнинг карьераси учун яна бир йўналишга айланиши мумкин.
Мата «Манчестер Юнайтед»да 2014 йилдан буён ўйнаб келмоқда. Премьер-лиганинг жорий мавсумида испаниялик футболчи майдонга тушмади.
