«Хоффенхайм» бош мураббийи Маркус Баббелнинг таъкидлашича, Германия Бундеслигаси 25-турида унинг жамоаси «Бавария»га ҳақли равишда имкониятни бой берди.

Қайд этиш жоиз, Мюнхенда меҳмон бўлган «Хоффенхайм» шунчаки меҳмон бўлгани йўқ, балки 1:7 ҳисобида тор-мор этилди.

«Бундай мағлубиятдан кейин ҳеч кимга ҳам осон тутиб бўлмайди. Бироқ шуни тан олиш керакки, «Бавария»нинг ўйини чиқиб турган вақтда унга қарши тўп суриш жуда ҳам қийин. Бу нарса, рақиб мюнхенликлардан қўрқиб турган вақтда айниқса кучли сезилади», деди Баббель.

«Шунда жамоанг дарвозаси томон шундайин ҳужумлар ёмғири ёғдириладики, унга қарши туриш имконсиз. Биз атиги еттита гол ўтказиб юборганимизга хурсанд бўлишимиз керак. Энди кейинги баҳсда яхшироқ ўйин кўрсатиш учун тайёргарлик кўришимиз керак», дея қўшимча қилди «Хоффенхайм» бош мураббийи Маркус Баббель.