"Манчестер Юнайтед" бугун сўнгги ўйинини майдон четида Ральф Рангниксиз ўтказди. Немис аллақачон Британияда иш визасини олди, у "Олд Траффорд"да "Арсенал"га қарши ўйинни томоша қилди ва якшанба кунги "Кристал Пелас" билан ўйинда мураббийлик қилади.
Ралбф клубдаги дастлабки кунлариданоқ ўз имзоси билан прессингдаги ўйин услубини амалга ошириш учун катта ишни бошлаши кутилмоқда. Рангникнинг қўлида барча карталар ва қишки трансферлар учун яна 100 миллион фунт бор. Унинг жамоага келиши бир қатор футболчилар учун яхши иш бўлмаслиги мумкин ва бунинг акси.
Ҳозиргача энг қизиқарли баҳс Криштиану Роналдунинг фигураси атрофида бўлиб ўтади. Якшанба кунги "Челси"га қарши ўйинда португалиялик "Манчестер Юнайтед"да асосий таркибда майдонга тушмади ва бу қарор учун масъулиятни Майкл Керрик ўз зиммасига олган бўлса-да, мураббий Ральф Рангникдан тактик кўрсатмалар олган версия ҳам мавжуд.
Бунга немиснинг севимли 4-3-1-2 схемаси ва асосий таркибда КриРонинг йўқлиги бунга ишора қилмоқда. Португалиялик футболчи 36 ёшда ва аста-секин ўз ўйинини ўзгартириб, карерасини энг юқори савияда ушлаб туриш учун Роналду ўйинида ўзгариш қилди. У ҳужумда юқори самарадорликни сақлаб қолиш учун ҳимоя функциялари ва "қора" ишлардан воз кечиши, уни яқинлашиб келаётган тактиканинг яққол қурбонига айлантиради.
Керрик Криштиану фаол прессинг ишлатадиган жамоаларда фойдали бўла олади, деб ҳисобламади.
Бу шунчаки миш-мишлар. Криштиану турли мураббийлар билан турли услуб ва тактикалардан фойдаланган ҳолда муваффақиятли ўйнади, шу билан бирга у ўзининг ҳар бир клуби учун кераклича гол урган. Ва у гол уришда давом этади, бунга ишончим комил. У ўз ўйинини ўзгартира олмаяпти, деб ўйлаш соддалик бўларди, турли схема ва талабларга мослаша олмасдан туриб, шунча йиллар кетма-кет муваффақият қозониб бўлмайди. Роналду ҳали ҳам "Юнайтед" учун жуда қимматли бўлиши мумкин.
Португалиялик футболчи "Манчестер Юнайтед" сафида 15 та ўйинда 10 та гол урди, бу эса уни қимматли ҳужумчига айлантиради, аммо Рангник уни таркибда сақлаб қолиши сўроқ остида. Балки, янги мураббий унга фақат Криштиануга ярашмайдиган ролини таклиф қила олар.
Оле-Гуннар Сульшернинг жамоадан кетгани Жейдон Санчонинг елкасидан тоғни олиб ташлагандек бўлди, у норвегиялик мураббий четлатилганидан сўнг иккала ўйинда ҳам гол урди, гарчи бунгача у 14 учрашувда самарали ҳаракатлари билан ажралиб турмаган бўлса ҳам. Роналдудан фарқли ўлароқ, Санчо ўзининг ўйин хусусиятлари билан Рангникнинг фалсафасига жуда мос тушади, айниқса у Германияда Дортмунднинг "Боруссия"сида муваффақиятли ўйнаган. Маълумки, Бундеслига кучли прессинг чемпионати ҳисобланади.
Қандай бўлмасин, истеъдодли, лекин ҳали ҳам ривожланишга муҳтож Санчога изчил ва аниқ ривожланиш режасини тақдим этадиган мураббий керак ва Рангник айнан шундай мураббий бўлиши кутиляпти.
Сўнгги йилларда Рангник кўплаб интервьюлар берди, уларда бошқа нарсалар қатори "Манчестер Юнайтед" футболчилари ҳақида гапирди. Мисол учун, ўтган йили у Люк Шоуга унчалик ёқимли бўлмаган тавсиф берди:
"Менимча, “Манчестер Юнайтед”га янги чап қанот ҳимоячиси керак. Ҳа, уларда Люк Шоу бор, лекин у шундай клуб стандартларига жавоб берадиган даражага қайтишга қодирми ёки йўқми, ишончим комил эмас".
Рангник Люкнинг ўтган мавсуми ва Шоу ажойиб бўлган Евро-2020 мусобақасига айтган эди, юқоридаги гапни, аммо бу мавсумда англияликнинг ўйини яна пасайиб кетди. У, шубҳасиз, қанот ҳимоячиларига ҳужум қилишни яхши кўрадиган Ральфни ҳайратда қолдириш учун ўз спорт формасини тиклаши керак.
Сульшер ҳукмронлигининг асосий қурбонларидан бири захира ўриндиғига михланган Донни ван де Бек бўлиб, у билан кўпчилик аллақачон ақлан хайрлашган эди. Аммо Рангник футболнинг табиати ва айниқса Доннининг ўйнаш қобилиятига бошқача қараши мумкин.
Сульшерда 4-2-3-1 схемасида ван дер Бек учун жой йўқ эди, аммо Рангник 4-3-1-2, 4-4-2 ёки 4-2-2-2 дан фойдаланади.
Ушбу тактикаларнинг ҳар бири футболчи учун янги имкониятларни ваъда қилади. Доннини "Нюкасл"га сотиб юборишга шошилманг. Рангник биринчи бўлиб бу трансферни тўсиб қўйса, ҳайрон бўлмайман.
