"Ювентус" жамоаси ҳужумчи Пауло Дибала билан шартномани узайтириш борасида келишиб олди, дея хабар беради "Football Italia" нашри.

Маълумотларга кўра, янги келишув 2026 йилнинг ёзига қадар мўлжалланган. Унда футболчи йилига саккиз миллион евро ва бонус сифатида икки миллион евро маош олиши белгиланган.

Шартномани узайтириш ва раҳбарият билан учрашиш учун 8 ноябрь куни Туринга учиб келиши керак бўлган Дибаланинг агенти келишувни эълон қилишни кечиктирмоқда.

Эслатиб ўтамиз, 28 ёшли футболчининг италян клуби билан амалдаги шартномаси 2022 йилнинг июнида якунига этади.

2021/22 йилги мавсумда ҳужумчи “Ювентус” сафида барча турнирларда 14 та ўйин ўтказиб, 7 та гол урган.