"ПСЖ" бош мураббийи Маурисио Почеттино Лига 1 доирасида "Ленс"га қарши ўйин олдидан ўтказилган матбуот анжуманида журналистнинг саволига кескин муносабат билдирди.
Аргентиналик мутахассисдан Париж клубининг ҳужум чизиғи тузилиши ҳақида сўрашган. Журналист жамоада Мбаппенинг позицион ўрнини кўрмаётгани ва у ўз нуқтасида ўйнамаётгани ҳақида сўраган.
“Мен тушунмаган саволга жавоб бера олмайман. Мен саволнинг моҳиятини тушунмадим.
Агар сиз футбол ҳақида жуда кўп билсангиз, нега менинг жойимда ўтирмайсиз? Нега савол берасиз? ” - деб жавоб қайтарган Почеттино.
Шундан сўнг аргентиналик залдаги муҳитни юмшатиш мақсадида матбуот анжуманини тарк этишга тақлид қилиб, курсидан турди. Аммо матбуот анжуманидан чиқиб кетмади.
