«ПСЖ» ҳужумчи Мауро Икарди билан хайрлашишга тайёр. Француз клуби Англиянинг “Ньюкасл” клубига 28 ёшли аргентиналик футболчини сотиб олишни таклиф қилди, деб хабар беради Foot Mercato.
Икардининг парижликлар билан шартномаси 2024 йилнинг ёзига қадар мўлжалланган. Трансфермаркт портали футболчининг нархини 35 миллион еврога баҳоламоқда.
Жорий мавсумда Икарди ПСЖ сафида жами 15 та ўйинда майдонга тушиб, 3 та гол уришга эришди.
Аввалроқ, «ПСЖ» ҳужумчиси Лионель Месси еттинчи «Олтин тўп»ни олганидан кейин зиёфат уюштирганди. Тадбирга Париж клубининг барча футболчилари оилалари билан таклиф қилинган, бироқ у ерда Мауро Икарди ва унинг рафиқаси Ванда Нара йўқ эди.
