“Челси” ва Жоржиньо ўртасидаги янги шартнома бўйича музокараларнинг кечикиши ҳамкорликнинг мумкин бўлган узайтирилишига салбий таъсир кўрсатиши мумкин. Италия ОАВларининг ёзишича, яримҳимоячини “Наполи”даги ўйинларидан бери кузатиб келаётган “Ювентус” Европа чемпионига қизиқиш билдирмоқда.
“Calciomercato” нашрининг хабар беришича, туринликлар кейинги ёзда Жоржиньони ватанига қайтариш ниятида ва унинг агентлари билан келишув тафсилотларини муҳокама қилиб бўлишган. Айтганча, 29 ёшли футболчининг лондонликлар билан амалдаги шартномаси 2023 йилнинг ўрталарида якунига етади.
Қайд этилишича, “Ювентус” агар шу вақтгача бир қанча футболчиларидан қутула олса, Жоржиньонинг маошини оширишга ҳам тайёр.
