“Лилль” ҳужумчиси Жонатан Девид фаолиятини Англияда давом эттириши мумкин, дея хабар беради "Standard" нашри.

Маълумотларга кўра, "Арсенал" 21 ёшли канадалик футболчини ўз сафига қўшиб олишни мақсад қилган. Олдинроқ лондонликлар "Эвертон' ҳужумчиси Доминик Кальверт-Льюинни сотиб олмоқчи эди, бироқ Франция чемпионатининг энг яхши тўпурари клуб учун муносиб номзод деб топилди.

Жорий мавсумда Девид умумий ҳисобда 22 та ўйин ўтказиб, 12 та гол урган. "Transfermarkt" портали футболчининг нархини 35 миллион еврога баҳоламоқда.