Туриннинг “Ювентус” клуби етакчиларидан бири Федерико Кьеза Лондоннинг “Челси” клубининг трансфер мақсади ҳисобланади. “Todofichajes”нашри сўзларига кўра, Англиянинг топ-клуби футболчини ёзги трансфер ойнасига сотиб олишга умид қилмоқда.
Манбанинг қайд этишича, лондонликлар раҳбарияти 24 ёшли футболчининг трансфери учун 100 миллион еврога яқин маблағ ажратишга тайёр. “Кекса синьора”нинг бу борадаги позицияси ҳозирча номаълум.
24 ёшли ҳужумкор яримҳимоячи ўтган йилнинг октябрь ойида Турин грандига кўчиб ўтганди. Италия А сериясининг жорий мавсумида Кьеза 12 та ўйинда майдонга тушиб, битта гол ва битта голли узатмага муаллифлик қилган.
