Ҳар доим ноодатий чиқишлари билан машҳур бўлган Руминиянинг “Стяуа” клуби хўжайини Жижи Бекали “Клубда энди фақат румин миллатига мансуб футболчилар ўйнай олади” деб чиқиш қилди.
Аргентиналик легионер Пабло Бранданнинг Хитойга трансфер қилинганини маълум қилган Бекали португалиялик Жералдо Алвес ва болгариялик Валентин Илиевларнинг шартномаларини узайтирмаслигини қўшимча қилди. “Энди таркибимиз ўзимизнинг футболчилардан иборат бўлади. Нимага хорижлик футболчиларга отнинг калласидек маош тўлашимиз керак, тўлаб нима қилдик, бирор каромат кўрсатишяптими?” деди у. Бекали шунингдек, 18 нафар легионерга эга бўлган ЧФР Клуж клубини ҳам танқид остига олди.
