Аргентина терма жамоаси ва "ПСЖ" ҳужумчиси Лионель Месси ўзининг майдондаги ўрни ҳақида гапирди, шунингдек, унинг шахсига нисбатан бироз камроқ фикр билдиришларини хоҳлашини тан олди.
"Менда доим майдонда эркинлик бўлган, аниқ бир позицияда ҳаракат қилмаганман. Мен фақат натижаларга эришишга мажбур эдим. Ҳозирда ўзимни яхши ҳис қиляпман ва ўйиндан завқ олишга ҳаракат қиламан.
Месси бўлиб туғулганимга 34 йил бўлди, мен ўзимни ўраб турган ҳамма нарсага ўрганиб қолганман. Баъзида кўринмас бўлиб қолишни истардим, лекин ҳаётимдан нолимайман. Мен бунга кўникиб қолдим, бу мен учун одатий ҳолга айланди", - дея Мессининг сўзларидан иқтибос келтирган "France Football" нашри.
Аввалроқ Месси фаолиятидаги еттинчи “Олтин тўп”ни қўлга киритганди.
