2014 йилда Бразилияда бўлиб ўтадиган Жаҳон чемпионатига махсус рамз танлаш давом этмоқда. Номзодлар орасида тури йўқолиб кетаётган армадилло номли ҳайвон ҳам бор. Танаси тиканаклар билан қопланган бу ҳайвонлар фақат Жанубий Америкада учрайди. Улар ҳашоратлар билан озиқланишади ва нафасларини маълум муддат ушлаб тура олишади.

Бразилияда чоп қилинадиган “Veja” журналининг ёзишича, ғолиб рамз октябр ойида маълум қилинади. Тахминларга кўра, “Интернационал” клуби ҳам фойдаланадиган “Saci” номли Бразилия фольклорининг машҳур образларидан бири бир оёқли бола ҳам бу борада яхши вариантлардан бири сифатида кўрсатилмоқда. Ҳатто мамлакат спорт вазири Алдо Ребело ҳам шу рамзни маъқуллаган. Бу қора танли болакай рамзи қайсидир маънода Денгизчи Попайни эсга солади.