Саудия «Зайн» про-лигасининг 21-турида «Ан-Наср»га қарши учрашувда ҳамюртимиз «Аш-Шабоб» яримҳимоячиси Сервер Жепаров жароҳат олиб майдоннни тарк этганди.
Учрашувдан кейин клуб шифокорлари терма жамоамиз сардорининг пайи бироз чўзилганини қайд этишди. Кейинги ҳафтадан бошлаб футболчи яна умумий гуруҳда машғулотлар олиб боради, деб ёзмоқда Саудия матбуоти.
Эслатиб ўтамиз, "Ан-Наср"га қарши учрашувда жамоа 2:1 ҳисобида ғалаба билан қайтишган. Учрашувни асосий таркибда бошлаган Жепаров 14-дақиқа келиб жароҳат олганди ва ўз ўрнини Мухтор Фаллатага бўшатиб берганди.
