"ПСЖ" ҳужумчиси Килиан Мбаппе ўтган ёзда "Реал Мадрид"га ўтмагани ҳақидаги фикрлари билан ўртоқлашди.
"Бу қийин савол. Келажагим қандай бўлишидан қатъий назар, мен топ-клубда ўйнашда давом этаман. Аввалига "Реал"га ўтмаганим туфайли бироз хафа бўлдим, аммо ҳозир "ПСЖ"да эканлигимдан ҳурсандман", – дея Мбаппенинг сўзларидан иқтибос келтирган журналисти Фабрицио Романо ўзининг Twitter саҳифасида.
Жорий мавсумда 22 ёшли Мбаппе ПСЖ сафида барча турнирларда 21 та ўйин ўтказиб, 9 та гол урди ва 13 та голли узатмани амалга оширди. Унинг клуб билан шартномаси 2022 йилнинг ёзига қадар амал қилади.