"Фиорентина" ҳужумчиси Душан Влахович "Манчестер Сити"нинг январь ойидаги асосий трансфер нишонига айланди.
Сербнинг трансферига “шаҳарликлар” бош мураббийи Хосеп Гвардиоланинг шахсан ўзи қизиқмоқда. Клублар аллақачон дастлабки музокараларни олиб боришмоқда. "Бинафшаранглилар" форвард трансфери учун 70-80 миллион евро талаб қилади. Футболчи учун “Манчестер Сити”дан ташқари Лондоннинг “Арсенал” клуби ҳам кураш олиб бормоқда.
Италия А сериясининг 2021/2022 йилги мавсумида Влахович 15 учрашувда қатнашиб, 12 та гол урди ва 3 та голли узатмани амалга оширди. 21 ёшли сербиялик форвард 2018 йилдан буён “Фиорентина”да тўп сурмоқда. Футболчининг клуб билан амалдаги шартномаси 2023 йилнинг 30 июнига қадар амал қилади.
