"Атлетико Мадрид"дан ижарага олинган "Ювентус" ҳужумчиси Алваро Мората мавсум сўнгида жамоани тарк этиши мумкин, деб хабар беради football-italia.

Турин клуби 29 ёшли испаниялик футболчи учун 35 миллион евро тўлашга тайёр эмас. Айнан шу миқдор ижара муддати тугагандан сўнг ўйинчини сотиб олиш тўғрисидаги бандда кўрсатилган. Моратанинг икки йиллик ижараси учун 20 миллион евро сарфлаган "Ювентус" агар "Атлетико" тўлов миқдорини камайтирсагина футболчини сотиб олиши мумкин. Қайд этилишича, Италия клуби бор этиборини бошқа футболчиларни сотиб олишга қаратиш эъҳтимоли мавжуд.

Жорий мавсумда Мората Италия чемпионатининг 15 та учрашувида 3 та гол урди ва битта голли узатмани амалга оширди. Шунингдек, у Чемпионлар лигасининг тўртта ўйинида иккита гол ва бир голли узатмани амалга оширишга улгурган.