Кореанинг “Тэджон Хана Ситизен” клуби футболчиси Икром Алибоев Ўзбекистон кубоги финали ҳақида ўз фикрлари билан ўртоқлашди.
- Ўзбекистон кубоги менга жуда ёқди. “Насаф” жамоаси ҳақиқий иродали ўйин кўрсатди. “Пахтакор”дек кучли жамоага қарши 10 киши бўлиб ўйнаб, ҳисобда ортда бора туриб, мағлуб этгани қаҳрамонлик бўлди.
Албатта, ташкилотчилик ҳам аъло даражада бўлди. Аввалари бунақа финалларни ҳеч кўрмаган эдим. Агар ҳар йили шундай байрамлар гувоҳи бўлсак, мухлисларнинг ҳам қизиқиши ортиб боради, футболимиз бундан фақат ютади.
“Насаф” жамоаси ва унинг мухлисларини ғалаба билан табриклайман.