"Бавария" вингери Кингсли Коман "Барселона" билан бўлиб ўтадиган Чемпионлар лигаси ўйинидан фикрлари билан ўртоқлашди.
“Бизда ҳали яхшиланиши керак бўлган жиҳатлар кўп. Биз биринчи ўйинданоқ ғалаба қозонишни хоҳлагандик. Ўзимизга бўлган ишонч ортиб бормоқда, ҳар бир учрашувда ғалаба қозонишга ҳаракат қиламиз. Чемпионлар лигасининг барча жамоалари кучли, шунинг учун биз ҳар бир ўйинда ғалаба қозонишни истаймиз.
"Барселона" ҳали ҳам жуда яхши жамоага эга. Бу рақибни мағлуб этиш ҳар доим қийин. Аммо биз ўз уйимизда ўйнаймиз, шунинг учун биз ғалаба қозонишни истаймиз”, - деди Коман.
