Туриннинг «Ювентус» клуби ўз яримҳимоячиси Артур Мелодан қутулиш ниятида экани ҳақида кеча хабарлар тарқалган эди. Жамоа бош мураббийи Массимилиано Аллегри бразилиялик футболчи хизматларидан фойдаланиш ниятида эмас.
Дастлабки маълумотларга кўра, футболчига «Ливерпуль» ва «Севилья» клублари даъвогарлик қилмоқда. Шунингдек, қишки трансферлар ойнасида футболчи учун курашга «Ньюкасл» ҳам қўшилди, деб хабар беради Calcio Mercato.
Манбанинг хабарига кўра, «қарғалар» Артурни ижарага олишлари мумкин, жумладан, шартномада мавсум якунида сотиб олиш мумкин бўлган банд ҳам мавжуд. Футболчининг эҳтимолий трансфери 25 миллион еврога баҳоланмоқда.
