"Манчестер Сити" бош мураббийи Хосеп Гвардиола ЕЧЛ гуруҳ босқичи 6-тури доирасидаги "Лейпциг"дан учралган мағлубият (1:2) ҳақида фикр билдирди.
“1/8 финалга чиққанимиздан хурсандмиз, бу яхши янгилик. Гуруҳ учрашувлари қийин бўлди, лекин биз ўйинларни муваффақиятли ўтказдик. "Лейпциг"га қарши иккинчи бўлимда кўрсатган ўйинимиз менга ёқди, лекин биринчи бўлимдан унчалик мамнун эмасман. Танаффусдан сўнг биз кўпроқ узатмалар билан ҳаракатланишга ўтдик, аммо сўнгги пасни беришда доим нимадур етишмаётгандек туюлди. Уокернинг четлатилиши жуда ёқимсиз бўлди, айниқса у 1/8 финалнинг биринчи ўйинини ўтказиб юборишини ҳисобга олсак. Кайл биз учун муҳим футболчи, уни бундай йўқотиб бўлмайди. Умид қиламанки, Уокер қилган ишидан сабоқ олади”, - деди Гвардиола УEФА расмий сайтига берган интервьюсида.
